موقف و بدلة واغنية

ازيكو يا جماعة وحشتونى اوى

من ساعة مانزلت اخر بوست والنت واقع ولسة راجع دلوقتى

انا لقيت تعليقات كتير ، بجد شكرا جدا ليكواوانا فعلا سعيدة بالتواصل اللى بينا دة

واسمحولى انا قولت انى لو رديت على التعليقات هاخد وقت كبير فقلت افضل انى اكتب بوست جديد وازور مدونات الناس اللى علقوا عندى اسمحولى بئا ان البوست المرة دى يكون مختلف لانى مش هكتب موضوع معين وانما عن مجموعة مواقف حصلت فى الكام يوم اللى فاتو

اول موقف

انا سبت شغلى القديم وبدور دلوقتى على شغل تانى

وبجد التدوير على الشغل دة بهدلة

تفضلى تكلمى فى ناس وتروحى انترفيوهات

وتطبعى فى سيفيهات

وفى الاخر حاجة عظيمة ، حاجة هايلة . هنبعاتلكو بعدين

بجد المنافسة بئت جامدة جدا وكل شغلانة بيتقدم لها الف واحد وكلهم السي فى بتاعهم ما شاء الله

بجد الشغل بئا صعب اوى اليومين دول

خصوصا لو معاكيش واسطة

لانه على رأى المثل

يا مصر لو نيلك دة صلصة مش هيكفى الكوسة اللى فيكى

ثاني موقف

هاهاهأ سعيدة - يابو بدلة جديدة

بعد تحويش 3 شهور من ورا آدم اخيرا بئا معايا مبلغ محترم

قمت عملت لآدم مفاجأة وقلت له تعالى نشريلك بدلة جديدة

وفعلا نزلنا وسط البلد عشان ندور له على احلى بدلة فى الدنيا

فى الاول كان المفروض نعدى على شارع الشواربى وهناك بجد البياعين اسوأ من الناس اللى فى الاتوبيس اللى بيرموا على رجلك النعناع والمناديل

فضلوا يحلقوا علينا جينزات يا باشا- جينزات يا هانم وقعدوا يشدوا ايد آدم عشان يدخل محلاتهم

وبجد كانوا مستفزين جدا لدرجة ان آدم اتنرفز اوى وزعق فى واحد منهم وكان الموضوع هيقلب بخناقة كبيرة

بس ربنا ستر ولمينا الدور بعد ما نكدوا علينا وكانوا قربوا يبوظوا اليوم

وصلنا اخيرا للشارع بتاع محلات البدل ودخلنا اول محل

الراجل طلع لنا بدل كتير وفضل آدم يقيس جاكتات كتيرة اوى بس برضه مافيش حاجة مقتنعين بيها

لحد ما كان فى بدلة كويسة بس يعنى مش تحفة اوى ولو خدناها لسة هتكون محتاجة تظبيط كتير

فبعد ما قاسها قلنا للراجل اننا هنلف تانى ونبئا نرجع له ( انا شايفة ان دة طبيعى يعنى انا ماغلطش فيه ) الراجل بئا اتحمق جدا ولأ دى احسن حاجة فى السوق ومش هتلاقى احسن من كدة

قلنا له بصراحة هى لسة محتاجة شغل عشان دة مش الستايل بتاع آدم

قالنا خلاص اى تظبيط عايزينه انا هقوم بيه والمحل بتاعكو وانا تحت امركو

انتو عارفين بئا حركات البياعين

قلنا له اصلها غالية شوية

قالنا خلاص انا هعملكو خصم

وانا بصراحة مش عارفة اخلص من الراجل دة ازاى هى اوكيه مش وحشة بس انا كنت عايزة اتفرج على محلات تانية يمكن الاقى حاجة تناسبنا اكتر بس بجد ماكناش عارفين نزوغ منه ازاى

فى الآخر بئا الراجل فعلا عمل لنا خصم جامد جدا وصل ل30 % من تمن البدلة بس فى المقابل ا مش هيعمل التصليحات اللى كنا اتفقنا عليها

بصراحة انا احرجت من الراجل وفى نفس الوقت هو فعلا عملنا خصم محترم

فقمنا اشتريناها بئا وخلاص

وبعدين وديناها لترزى عشان يظبطها

واكتشفنا ان دة بيكلف يعنى ومش رخيص وان كل الخصم اللى خدناه دفعناه للترزى

بجد مش عارفة ليه بس انا خرجت من المحل مش مبسوطة وحاسة انى اضحك عليا وبجد البياع دة ضيع على فرحتى بالبدلة الجديدة اللى قعدت شهور احوش فى تمنها

الموقف التالت

اغنية سمعتها واثرت فيا جدا هى لبيونسيه

وبتتكلم ايه اللى هيحصل لو قلبنا الادوار وليلى عملت اللى ادم بيعملو

انا ترجمتهالكو عربى وحاولت احط الفيديو كليب بس للاسف معرفتش

If I were a boy even just for a day

I'd roll out of bed in the morning

And throw on what I wanted

And go drink beer with the guys

And chase after girls

I'd kick it with who I wanted

And I'd never get confronted for it

'Cause they stick up for me

If I were a boy

I think I could understand

How it feels to love a girl

I swear I'd be a better man

I'd listen to her

'Cause I know how it hurts

When you lose the one you wanted

'Cause he's taking you for granted

And everything you had got destroyed

If I were a boy

I would turn off my phone

Tell everyone it's broken

So they'd think that I was sleeping alone

I'd put myself first

And make the rules as I go

'Cause I know that she'd be faithful

Waiting for me to come home, to come home

If I were a boy

I think I could understand

How it feels to love a girl

I swear I'd be a better man

I'd listen to her

'Cause I know how it hurts

When you lose the one you wanted

'Cause he's taking you for granted

And everything you had got destroyed

It's a little too late for you to come back

Say it's just a mistake

Think I'd forgive you like that

If you thought I would wait for you

You thought wrong

But you're just a boy

You don't understand

And you don't understand, oh

How it feels to love a girl

Someday you wish you were a better man

You don't listen to her

You don't care how it hurts

Until you lose the one you wanted'

Cause you're taking her for granted

And everything you had got destroyed

But you're just a boy


لو كنت ولد حتى لو ليوم
كنت هقوم من السرير الصبح
والبس اللى انا عايزاه
واروح اخرج مع صحابى


واعاكس البنات
واهيس مع اللى تعجبنى
وماحدش هيمسكها عليا
عشان الكل هيشجعنى

لو كنت ولد
كنت هفهم
ايه احساس انك تحب بنت
والله كنت هكون راجل احسن

كنت هاسمع لها
لانى عارفة اد ايه بتوجع
لما تخسر حد انت عايزه
لانه بيعتبرك من المسلمات
وكل اللى بينكو يضيع

لو كنت ولد
كنت هاقفل التليفون
واقول انه بايظ
عشان يفتكروا انى نايم لوحدى

كنت هاحط اولوية لنفسى
وانا اللى احط القواعد
لانى عارف انها هتكون مخلصة
ومستنيانى لما ارجع البيت

لو كنت ولد
كنت هافهم
ايه احساس انى احب بنت
والله كنت هاكون راجل احسن

كنت هاسمع لها
لانى عارفة اد ايه بتوجع
لما اللى بينكو يضيع
عشان بيعتبرك من المسلمات

الوقت اتأخر انك ترجع
وتقول انها غلطة
وتفتكر انى هسامحك بسهولة
وانى هستناك
انت غلطان

بس انت مجرد ولد
صعب انك تفهم
انت مش فاهم
ايه احساس انك تحب بنت
فى يوم هتتمنى لو كنت راجل احسن

انت مش بتسمع لها
ومش بيهمك اد ايه بتوجعها
لحد ما تخسرها
عشان بتعتبرها من المسلمات
وكل اللى بينكو ضاع
بس انت مجرد ولد